Tuxum surati Instagram’dagi jahon rekordini yangiladi
Instagram?da tuxum surati bir necha kun ichida 25 milliondan ziyod layk to‘plab, yangi rekord o‘rnatdi. Bu haqda Sputnik xabar berdi.
Let’s set a world record together and get the most liked post on Instagram. Beating the current world record held by Kylie Jenner (18 million)! We got this ???? #LikeTheEgg #EggSoldiers #EggGang
Shu kunga qadar amerikalik model Kayli Jenner qizalog‘i Stormi bilan tushgan surati Instagram olamidagi eng mashhur surat hisoblanardi. Ushbu surat 18 milliondan ziyod layk to‘plashga muvaffaq bo‘lgan.
Shu yilning 4-yanvar kuni Instagram?da World Record Egg sahifasi tuxum suratini joylashtirib, quyidagi izohni qoldirdi: “Keling, birgalikda Instagram?ning o‘tgan yilgi rekordini yangilaymiz va bu suratni eng mashhur qilamiz. Kayli Jenner rekordini yangilaymiz”.
Ertasi kuni ushbu surat 9 million layk to‘pladi, 10 soatdan so‘ng esa layklar soni bo‘yicha Kayli Jenner rekordini ortda qoldirdi.
BuzzFeed News nashrining ma’lum qilishicha, Instagram?dagi sahifani Britaniya qishlog‘idan bo‘lgan Genriyetta ismli tovuq yuritadi.
Manba: Daryo.uz