Maduro Braziliyaning yangi prezidentini Gitler bilan solishtirdi

Venesuela prezidenti Brazliyaning yangi rahbari Jair Bolsonaruni qattiq tanqid qilib, uni “fashist” deb atadi. Jair Bolsonaru konservativ qarashlarga ega bo‘lib, Janubiy Amerika davlatlarida sotsializmga qarshi bir necha marta chiqish qilgan, deb xabar bermoqda “RBK”.

Xabarda aytilishicha, Venesuela prezidenti Nikolas Maduro xalqqa qilgan murojaatida Braziliyaning yangi rahbari Jair Bolsonaruni profashistik qarashlarda ayblagan. Uning fikricha, Bolsonaruni “Hozirgi zamon Gitleri” deyish mumkin.

Braziliya prezidenti matbuot xizmati qo‘shni davlat rahbari bayonotiga izoh berishdan bosh tortdi.

Ma’lumot uchun, 28-oktabr kuni o‘tkazilgan saylovlarda g‘alaba qozongan Jair Bolonaru 1-yanvardan boshlab yangi lavozimda ish boshlagan. Prezident etib saylanmasidan oldin konservativ Sotsial-liberal partiyasidan bo‘lgan parlament deputati edi.