IIBB Toshkentda jinoyatchilik darajasi pasayganligini ma’lum qildi

2018-yilda Toshkent hududida sodir etilgan jinoyatlarning alohida turlari soni 2017-yil bilan taqqoslaganda yarmiga kamaygan. Bu haqda “Novosti Uzbekistana” xabar bermoqda.

IIBBning ma’lum qilishicha, 2017-yilda 245 ta talonchilik holati qayd etilgan bo‘lsa, 2018-yilda — 120 ta, bu 51 foizga kamdir. Bosqinchilik hujumlari soni 136 tadan 64 taga (53 foiz), o‘g‘rilik — 1 969 tadan 947 taga (52 foiz), firibgarlik holatlari — 2 420 tadan 1 296 taga (46,5 foizga) kamaygan.

2017-yilda poytaxtning atigi 9 ta mahallasida birorta ham jinoyat sodir etilmagan bo‘lsa, 2018-yilda ular soni 70 tagacha oshgan.