“Hududlar. Sirdaryo viloyati” pochta markalari muomalaga kiritildi

Axborot texnologiyalari va kommunikatsiyalarini rivojlantirish vazirligi tomonidan “O‘zbekiston pochtasi” AJ tomonidan tayyorlangan “Hududlar. Sirdaryo viloyati” nomli pochta markalari turkumi muomalaga kiritildi. Bu haqda jamiyat axborot xizmati xabar bermoqda.

Turkum 2 ta pochta markasi va oraliqda joylashgan kupondan iborat. Pochta markalarida Sirdaryo daryosi va suv saqlash inshooti — sardoba tasvirlangan.

Kuponda viloyatning geografik xaritasi, tashkil topgan yili, maydoni, aholi soni va viloyat markazi ko‘rsatilgan.

Bir necha rangda ishlangan pochta markalari 8 ming nusxada chop etildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!