Olmaota sudi figurachi uchuvchi Denis Tenning qotillariga hukm chiqardi

Olmaota sudi figurachi uchuvchi Denis Tenning qotillariga hukm chiqardi. Bu haqda Sputnik xabar bermoqda.

Arman Kudaybergenov Qozog‘iston Jinoyat kodeksining uch, Nurali Kiyasov ikki moddasi bilan aybdor deb topildi va ikkoviga ham 18 yil qamoq jazosi berildi.

Ular o‘ta qattiq tartibli muassasada jazoni o‘taydi.

Janar To‘liboyeva jinoyat haqida xabar bermaganlikda aybdor deb topildi va 4 yilga ozodlikdan mahrum etildi.

Sochi Olimpiadasining bronza medali sovrindori Denis Ten 2018-yil 19-iyul kuni Olmaota shahrida pichoqlab o‘ldirilgandi.