Ijtimoiy tarmoqlarda qizlarga suratga tushish uchun guldastalarni 10 daqiqaga ijaraga berish xizmatlari paydo bo‘ldi

8-mart — Xalqaro xotin-qizlar bayrami arafasida Instagram va “VKontakte”da bayram fotosuratlarini olish istagidagi qizlar uchun guldastalarni ijaraga berish xizmatlari paydo bo‘ldi, deb yozadi TJournal. Shuningdek, alohida to‘lov evaziga tadbirkorlar dizaynerlik butiklaridan bo‘sh paketlarni yetkazib berishni va’da qilmoqda.

Ko‘plab servislarning xizmatlari bir-biriga o‘xshash: qizlarga 101 ta atirguldan iborat guldastani uyga yetkazib berish taklif etiladi, u yerda suratga tushish uchun ularga 10 daqiqa vaqt beriladi. Mualliflar mijozlarning shaxsi mutlaqo sir tutilishi haqida kafolat beradi.

Xizmat narxi 700 rubl (12 dollar)dan 1000 rubl (17 dollar)gacha. Dizaynerlik paketi yoki qutichasini ijaraga olish esa o‘rtacha 300 rubl (5 dollar)ga tushadi.