O‘zbekistonda kelasi o‘quv yilidan bir vaqtning o‘zida bir nechta OTMga hujjat topshirish mumkin bo‘ladi

2019/2020-o‘quv yilidan boshlab abituriyentlarga bir vaqtning o‘zida bir nechta oliy ta’lim muassasasiga hujjat topshirish imkoniyati beriladi. Bu haqda Adliya vazirligining “Huquqiy axborot” Telegram-kanalida xabar berildi.

Davlat dasturiga asosan 1-aprelga qadar abituriyentlarni  bir vaqtning o‘zida bir nechta oliy ta’lim muassasasiga hujjat topshirish imkoniyati nazarda tutilgan qonun hujjati loyihasi ishlab chiqiladi.

Hujjatda shuniingdek abituriyentning sinov natijasi bo‘yicha olgan bali yetarli bo‘lmaganda, baliga qarab boshqa oliy ta’lim muassasasi (ta’lim yo‘nalishi)da o‘qish imkoniyatini berish, ushbu ta’lim muassasasi (ta’lim yo‘nalishi)ni tanlashning aniq muddati, ta’lim muassasasini tanlashning tartibi (imtihon fanlari bloki va ketma-ketligining mosligi) kabi masalalar ham qamrab olinadi.