O‘zbekistonda restoran, kafe va boshqa ko‘ngilochar obyektlarning tunda ishlashiga ruxsat beriladi

Restoran, kafe va boshqa ko‘ngilochar obyektlarning tunda ishlashiga ruxsat beriladi. Bu 2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturida ko‘zda tutilgan, deb yozadi “Huquqiy axborot” Telegram-kanali.

Davlat dasturiga muvofiq 10-fevralga qadar restoran, kafe va boshqa ko‘ngilochar obyektlarda huquq-tartibot va jamoat xavfsizligini ta’minlash talablari, ushbu ko‘ngilochar obyektlarni tungi paytda ishlash tartibi nazarda tutilgan maxsus hujjat loyihasi ishlab chiqilishi lozim.