Bundesliga. “Bavariya” “Hoffenhaym”ni taslim qildi (video)

18-yanvar, juma kuni futbol bo‘yicha Germaniya Bundesligasining 18-turi bahslariga start berildi.

Dastlabki uchrashuvda Myunxenning “Bavariya” klubi “Hoffenhaym” maydoniga safar qildi va 3:1 hisobida g‘alaba qozondi.

Uchrashuvning 34 va 45-daqiqalarida myunxenliklar yarim himoyachisi Leon Goretska raqib darvozasini ishg‘ol qilib, dublga erishdi.

2-bo‘limning 59-daqiqasiga kelib, mezbon jamoa a’zosi Niko Shults Manuel Noyer qo‘riqlayotgan darvozani ishgo‘l qildi (1:2). O‘yinning so‘nggi daqiqalarida (87) Robert Levandovski jamoasining 3-golini urdi.

Shu tariqa “Bavariya” ushbu turda “Hoffenhaym”ni 3:1 hisobida mag‘lub etib, 3 ochkoga ega bo‘ldi.

Bundesliga

18-tur bahslari

19-yanvar, shanba

Gollar: 0:1 – 34 Goretska, 0:2 – 45 Goretska, 1:2 – 59 Shults, 1:3 – 87 Levandovski.

“Hoffenhaym”: Baumann, Posh, Fogt (Grillich, 56), Hyubner, Demirbay (Geyger, 56), Shults, Kaderjabek, Bittenkur, Belfodil, Kramarich, Joelinton (Salai, 78).

“Bavariya”: Noyer, Kimmix, Sule, Hummels, Alaba, Martines (Boateng, 90), Alkantara (Rodriges, 78), Myuller, Goretska, Koman (Gnabri, 73), Levandovski.

Ogohlantirishlar: Fogt (26), Grillich (57), Posh (64), Kimmix (68), Martines (84).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!