Toshkent shahar YHXBning Fayzoboddagi bo‘linmasida elektron navbat joriy etildi

Toshkent shahridagi IIBB Yo‘l harakati xavfsizligi boshqarmasi Ro‘yxatdan o‘tkazish va imtihon olish bo‘limlaridan biri Mirobod tumanining Fayzobod ko‘chasida joylashgan.

Fayzobod ko‘chasidagi Ro‘yxatdan o‘tkazish va imtihon olish bo‘limining Shayxontohur, Yashnobod, Bektemir tumanlariga xizmat ko‘rsatuvchi bo‘linmasida elektron navbat orqali xizmat ko‘rsatish yo‘lga qo‘yildi.

Shahar IIBB matbuot xizmatidan ma’lum qilishlaricha, 17-yanvardan joriy etilgan ushbu yangilikka “fuqarolarga qulaylik yaratish maqsadida” qo‘l urilgan.

“Bu bo‘linmaga tashrif buyuruvchilar oqimini optimallashtirish va ularning ‘Fayzobod’ bo‘limida bo‘lishlarini nisbatan qulaylashtirish imkonini beradi”, — deyiladi IIBB axborotida.