Isroil Suriyadagi Eron kuchlari marralariga raketa zarbalari berdi

Isroil harbiy-havo kuchlari Damashqqa havo va yerdan raketalar yordamida zarbalar berdi. Bu haqda “Korrespondent.net” xabar bermoqda.

Isroil armiyasi tarqatgan bayonotda raketa zarbalariga Suriya hududidagi Eronning “Al-Quds” kuchlari marralari nishon bo‘lgani bildirilgan. Damashqda 21-yanvar, dushanbaga o‘tar kechasi kuchli portlash ovozlari eshitilgani aytilmoqda.

SANA agentligiga ko‘ra, Suriya havo hujumiga qarshi komplekslari Isroil raketalarining aksarini nishonga yetgunicha yo‘q qilishga ulgurgan.