O‘zbekistonlik fuqaro Rossiyaga 60 kilogrammdan ortiq qulupnay olib kirishga urindi

O‘zbekistonlik fuqaro Janubiy Koreyadan Rossiyaning Xabarovsk shahriga 60 kilogrammdan ortiq qulupnay olib kirishga urindi. Bu haqda Sputnik xabar berdi.

Xorijiy fuqaroning yonida fitosanitar sertifikati bo‘lmagan, shu bois inspektorlar qulupnay mevasini musodara qilib, yo‘q qildi.

Eslatib o‘tamiz, bojxona normalariga binoan, Rossiyaga karantin ostidagi mahsulotlarni besh kilodan ziyod bo‘lmagan miqdorda tegishli hujjatlarsiz olib kirish mumkin.