O‘zbekiston IIV qoidabuzar piyodalarni tezkor jarimaga tortish uchun devayslar xarid qilmoqda

O‘zbekiston IIV yo‘l harakati qoidalarini buzayotgan piyodalarni tezkor jarimaga tortish uchun elektron devayslarni xarid qilmoqda, deb yozadi “Podrobno.uz”.

“IIVda piyodalarni ma’muriy javobgarlikka tortishning huquqiy mexanizmlarini mukamallashtirish uchun maxsus buyruq tasdiqlandi. Ushbu hujjat bilan axborot kommunikatsiya texnologiyalari yordamida yo‘lovchilarning shaxsini aniqlash va ma’muriy bayonnomani elektron shaklda tuzish bo‘yicha huquqiy asos yaratildi. Hozirda yo‘l-patrul xizmati xodimlari uchun elektron qurilmalar xarid qilinmoqda”, — deya ta’kidladi vazirlik.

2018-yilda yo‘l harakati qoidalarini buzganlik uchun 109 280 nafar piyoda jarimaga tortilganligi ta’kidlanmoqda.