Meksikada neft quvuri portlashi oqibatida halok bo‘lganlar soni 100 nafardan oshdi

Meksikaning Idalgo shtatida neft quvurida yuz bergan portlash oqibatida halok bo‘lganlar soni 107 kishiga etdi. Bu haqda “Kommersant” xabar berdi.

Yana 40 nafar jabrlanganlar kasalxonada qolmoqda.

Voqea 19-yanvar kuni neft quvurini noqonuniy kesish oqibatida sodir bo‘lgan. Portlash vaqtida hodisa joyida idishlarga yoqilg‘i to‘ldirishga kelgan 300 dan ortiq mahalliy aholi bo‘lgan.

Avvalroq portlash oqibatida 96 kishi vafot etgani haqida xabar berilgandi.