London derbisida 3 ochkoni qo‘lga kiritgan “Chelsi” ta’qibchilaridan 10 ochkoga o‘zib ketdi

Angliya Premyer-ligasining 27-turi London derbisi bilan o‘z yakuniga yetdi.

Unda chempionlik uchun asosiy da’vogar bo‘lib turgan “Chelsi” Slaven Bilich boshchilik qilayotgan “Vest Hem” mehmoni bo‘ldi va 2:1 hisobida zafar quchdi. Eden Azar hamda Diyego Kosta tomonidan kiritilgan gollarga mezbonlardan Lansini bir marta javob qaytardi.

Mazkur g‘alabasidan keyin “Chelsi” ta’qibchisi “Tottenhem”dan 10 ochkoga ilgarilab ketdi.

Angliya Premyer-ligasi
27-tur
6-mart, dushanba

Gollar: Eden Azar, 25 (0:1). Diyego Kosta, 50 (0:2). Manuel Lansini, 90+2 (1:2).