Yangi Nokia smartfonlarining taqdimot sanasi ma’lum qilindi

Nokia kompaniyasi Barselonada bo‘lib o‘tadigan MWC 2019 ko‘rgazmasi doirasida yangi smartfonlar taqdimotini o‘tkazadi. Bu haqda Hi-Tech Mail.Ru xabar berdi.

Nokia’ning taqdimoti MWC ko‘rgazmasi boshlanishidan bir kun oldin, 24-fevralga belgilangan. Biroq aynan qanday smartfonlar taqdim etilishi haqida aniq ma’lumot yo‘q.

Sizib chiqqan ma’lumotlarga ko‘ra, Nokia 8.1 Plus, beshta kamerali Nokia 9 va yana bir noodatiy smartfonning taqdimoti bo‘lib o‘tadi.

Shuningdek, kompaniyaning Nokia N9 smartfonining yangilangan talqinini taqdim etilishi ham taxmin qilinmoqda.