O‘zbekiston iqtisodiy erkinlik reytingida 140-o‘rinni egalladi

O‘zbekiston Heritage Foundation tadqiqot instituti (AQSh) e’lon qilgan iqtisodiy erkinlik reytingida 140-o‘rinni egalladi. Bu haqda “Nuz.uz” xabar bermoqda.

Ro‘yxatga jami 180 davlat kiritilgan. O‘tgan yilga nisbatan O‘zbekiston reytingda 8 qatorga ilgariladi.

Ekspertlar qo‘shni davlatlardagi iqtisodiy erkinlik borasida vaziyatni yuqoriroq baholadi. Jumladan, Qozog‘iston 59, Qirg‘iziston 79, Tojikiston esa 122-o‘rinda qayd etilgan.

Bundan faqat Turkmaniston mustasno: mamlakat 164-o‘rinni egallagan.

Mazkur reytingdagi birinchi uchlikdan Gonkong, Singapur va Yangi Zelandiya o‘rin oldi.