Rasman: Ignatiy Nesterov Saudiya Arabistoni klubiga o‘tdi
O‘zbekiston milliy terma jamoasi hamda Toshkentning “Lokomotiv” klubi darvozaboni Ignatiy Nesterov Saudiya Arabistonining “Uhud” klubi bilan shartnoma imzoladi. Bu haqda “temiryo‘lchilar”ning rasmiy saytida xabar berildi.
Ignatiy Nesterov 2014-yildan buyon “Lokomotiv” sharafini himoya qilib kelayotgan edi. Darvozabon 4 yillik faoliyati davomida “temiryo‘lchilar” tarkibida 160 ta o‘yinda maydonga tushdi va jamoaning mamlakat chempionligini ketma-ket uch marta qo‘lga kiritilishida muhim rol o‘ynadi.
Shuningdek, darvozabon O‘zbekiston terma jamoasi tarkibida jami 5 ta Osiyo Kubogida qatnashdi va bu borada musobaqa rekordchisiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz