“O‘zagrotexsanoatxolding” Turkmanistonda o‘zining texnik markazini ochdi

Qishloq xo‘jalik texnikasini ishlab chiqaruvchi “O‘zagrotexsanoatxolding” Ashxobodda o‘z texnik markazini ochdi, deya xabar bermoqda UzDaily.

“Turkman-O‘zAvto” xo‘jalik jamiyatiga O‘zbekiston qishloq xo‘jalik texnikasi ishlab chiqaruvchilarining Turkmanistondagi distribyutori sifatida faoliyat yuritishi huquqini beruvchi sertifikat taqdim etildi.

Korxona ta’sischilari “O‘zavtosanoat” AK va Turkmaniston savdo va tashqi iqtisodiy aloqalar vazirligining “Turkmaniston” davlat savdo markazi bo‘ldi.

O‘zbekiston tomoni Ashxobodda yirik Savdo-servis markazini barpo etib, Turkmaniston hududlarining uning filiallarini ochmoqchi. Kelajakda O‘zbekistonning qishloq xo‘jalik texnikasini Turkmanistonda yig‘ish rejalashtirilmoqda.