Qor bo‘roni sabab Kanadada 50 ta avtomobil to‘qnashib ketdi

Kanadaning Kvebek provinsiyasidagi avtotrassalardan birida avtomobillarning ommaviy to‘qnashuvi yuz berdi, deya xabar beradi “Vesti.ru”.

Yirik YTHda 50 ta transport vositasi ishtirok etgan.

Dastlabki ma’lumotlarga ko‘ra, halokatga qiyin ob-havo sharoiti — kuchli qorli bo‘ron sabab bo‘lgan.

Favqulodda holat Monreal yaqinida yuz bergan.

Hodisa oqibatida bir necha kishi jabrlangan, ularning ayrimlari kasalxonaga yotqizilgan.

Jabrlanganlar haqida boshqa aniq ma’lumotlar yo‘q.