Respublikachilar Fiyonni Fransiya prezidentlik lavozimiga nomzod sifatida qo‘llab-quvvatladi

Fransiya Respublikachilar muxolifat partiyasining siyosiy qo‘mitasi prezidentlik saylovlarida nomzod Fransua Fiyonni bir ovozdan qo‘llab-quvvatladi. Bu haqda Le Figaro nashri ma’lum qildi, deb yozadi “Gazeta.ru”.

Fransuz senati rahbari Jerar Larshe mazkur bayonotni ma’lum qildi. Partiya yetakchisi Bernar Akkuayye ushbu ma’lumotni tasdiqladi.

Fiyonga nisbatan rafiqasini soxta ishga joylashtirish ayblovi e’lon qilingandan so‘ng partiya favqulodda uchrashuv o‘tkazdi. Unda sobiq prezident Nikolya Sarkozi, Fiyon va TIV sobiq rahbari Alen Jyuppe ishtirok etdi.