Yevroittifoq O‘zbekistonning Butunjahon savdo tashkilotiga kirishini qo‘llab-quvvatlash uchun 5 mln yevro ajratadi

Yevropa Ittifoqi O‘zbekistonning Butunjahon savdo tashkilotiga kirishini qo‘llab-quvvatlash loyihasi uchun 5 million yevro ajratadi. Bu haqda tuzilmaning mamlakatdagi delegatsiyasi rahbari Eduards Stiprays ma’lum qildi, deya xabar beradi Spot.

Loyiha BMT Xalqaro savdo markazi hamda Butunjahon savdo tashkiloti tomonidan amalga oshiriladi.

Yevroittifoqning loyihalarni tasdiqlash jarayoni ma’lum vaqt talab qilishini inobatga olib, Xalqaro savdo markazi buni kutib o‘tirmay tez orada loyihani amalga oshirishga kirishadi.