Nurmagomedov va Makgregor Nevada sudi bilan kelishuvga erishdi

UFC jangchilari Habib Nurmagomedov hamda Konor Makgregor Nevada shtati atletik komissiyasi bilan UFC 229 jang oqshomida yuzaga kelgan janjal bo‘yicha muzokaraga keldi. Bu haqda Las Vegas Review-Journal xabar berdi.

Ma’lumotlarga ko‘ra, 29-yanvar, seshanba kuni bo‘lib o‘tadigan komissiya yig‘ilishida ikkala sportchining vakillari ishtirok etmaydi. Mazkur ishga daxldor Zubayra Tuxugov va Abubakar Nurmagomedov ham sud eshittirishiga kelmaydi. Shuningdek, ular ham Nevada shtati sudi bilan kelishuvga erishgan.

Bugun besh kishidan tashkil topgan komissiya kelishuv shartlarini qabul qilish (yoki rozi bo‘lmaslik)uchun ovoz beradi. Mazkur ishga aloqador barcha shaxslar har qanday holatda ham diksvalifikatsiyaga uchraydi va ma’lum miqdorda jarimaga tortiladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!