Toshkent viloyatida fuqaroning darvozaxonasidan Cobalt’ni o‘g‘irlab ketib, so‘ng YTH sodir etgan shaxs ushlandi

2018-yil 29-oktabr kuni noma’lum shaxs Toshkent viloyatining Zangiota tumanida yashovchi S.S.ning uyiga ochiq qolgan eshigi orqali kirib, uyi darvozaxonasida turgan Cobalt rusumli avtomashinasini haydab qochgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

So‘ng avtomashinanini Toshkent shahar Sergeli tumani O‘zgarish mahallasida boshqarib ketayotib Matiz rusumli avtomashina bilan to‘qnashuv sodir etib, o‘zi u yerdan qochib ketgan.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Qashqadaryo viloyati Dehqonobod tumani Qizilsoy qishlog‘ida yashovchi J.B. sodir etganligi aniqlanib, ushlandi. Tergov davom etmoqda.