Chili qirg‘oqlarida 5,6 magnitudali zilzila yuz berdi

30-yanvar kuni AQSh geologiya xizmati Chili qirg‘oqlarida 5,6 magnitudali zilzila sodir bo‘lganini qayd etdi. Bu haqda TASS xabar berdi.

Ma’lumotlarga ko‘ra, epitsentr 10 ming kishi yashaydigan Taltal aholi punktidan 63 kilometr uzoqlikda joylashgan. Zilzila o‘chog‘i 38,6 kilometr chuqurlikda bo‘lgan.

Jabrlanganlar va vayronagarchiliklar haqida ma’lumot kelib tushganicha yo‘q. Sunami xavfi e’lon qilinmagan.