Sankt-Peterburgda o‘zbekistonlik fuqaro 38 yoshli ayolni pichoqlab ketdi

31-yanvar kuni o‘zbekistonlik fuqaro Sankt-Peterburgning Nevskiy tumanidagi ko‘p qavatli uylarning podyezdida 38 yoshli ayolni pichoqlab ketdi. Bu haqda Sputnik xabar berdi.

Fuqaro o‘z qurboniga pichoq bilan kamida 12 marta jarohat yetkazgan.

Politsiya xodimlari jinoyat sodir etishda gumon qilib 35 yoshli O‘zbekiston fuqarosini qo‘lga olgan. Huquq-tartibot organlari undan o‘ldirilgan ayolga tegishli bo‘lgan buyumlar va jinoyat qurolini topgan.

Voqea yuzasidan jinoiy ish qo‘zg‘atilgan.