S&P Orient Finans Bank’ning kredit reytingi bo‘yicha prognozini oshirdi

Orient Finans Bank’ning strategik boshqarmasi avvalambor mijozlarning moliyaviy farovonligi va ishbilarmonlik etiketiga erishishga asoslanadi. Qattiq raqobat muhitida iste’mol uchun yangi xizmatlarni yaratgan holda muntazam ravishda o‘zgarishlarni kuzatish talab etiladi.

Aholi orasidagi ishonchni qozonish barobarida Orient Finans Bank ishonchli va samarali kredit beruvchi maqomiga erishdi. Aynan ushbu dalilni S&P Global Ratings xalqaro reyting agentligi ham tasdiqlab o‘tdi.

Orient Finans Bank’ning kredit reytingi bo‘yicha prognozini qayta ko‘rib chiqqan holda S&P Global Ratings xalqaro reyting agentligi “Barqaror” maqomini “Ijobiy”ga o‘zgartirdi. Kredit reytinglari “B-/B” darajasida tasdiqlangan. Bu esa o‘z navbatida bank majmuaviy ravishda strategik boshqaruvga intilayotgani va majburiyatlarni qabul qilishda mas’uliyat darajasini munosib baholayotganidan dalolatdir.

Orient Finans Bank faoliyatida erishilayotgan ijobiy natijalar negizida xizmat ko‘rsatish sifati va samaradorligi birlamchi omil sanaladi.

O‘z navbatida, Orient Finans Bank bank faoliyatini yuqori baholab, ishonch bildirganliklari uchun mijozlari va hamkorlariga minnatdorchilik bildiradi.

Reklama huquqi asosida