Ekspertlar Kubaga 2 ta meteorit tushganini taxmin qilmoqda

Kubaning ilm-fan, texnologiya va atrof-muhitni muhofaza qilish vaziri Elba Rosaning ma’lum qilishicha, olimlar mamlakat g‘arbida meteorit tushganini taxmin qilmoqda, deb yozadi “TASS”.

Vazirning aytishicha, hozirda mutaxassislar meteorit tushgani taxmin qilinayotgan Matansas shahri atrofida tadqiqot ishlarini olib bormoqda.

“Geofizika instituti ekspertlari jamoasi meteorit tushganini ilmiy jihatdan isbotlash uchun Vinyales shahrida ish olib bormoqda.  Xuddi shunday o‘rganishlar Matansasda ham o‘tkazilmoqda”, — deydi u.

Avvalroq Kubaning Vinyales shahri yaqiniga noma’lum samoviy jism qulagani, buning oqibatida esa kuchli portlash yuz bergani haqida xabar berilgan edi. Hodisa oqibatida hech kim jabrlanmagan.