Toshkentdagi qahvaxonada bezorilik qilgan shaxslar qo‘lga olindi

2018-yilning 26-noyabr kuni Toshkent shahrining Shayxontohur tumani Alisher Navoiy ko‘chasida joylashgan “Pablo” qahvaxonasi oldida noma’lum shaxslar bezorilik sabab, Mirzo Ulug‘bek tumanida yashovchi M.X. va Buxoro shahrida yashovchi I.S.larni bosh va yuz qismlariga urib-tepib, M.X.ga o‘tkir tig‘li jism bilan jarohat yetkazib, voqea joyidan yashiringan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada M.X. va I.S.lar kasalxonaga yotqizilib, holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni sodir etgan barcha shaxslar aniqlanib, qo‘lga olindi. Tergov harakatlari davom etmoqda.