Yevropa davlatlari Xuan Guaydoni Venesuela prezidenti sifatida tan oldi

Avstriya, Buyuk Britaniya, Germaniya, Daniya, Ispaniya, Portugaliya, Fransiya, Shvetsiya va Latviya Venesuela parlamenti spikeri Xuan Guaydoni mamlakat prezidenti vazifasini bajaruvchi sifatida tan oldi. Bu haqda Meduza xabar bermoqda.

Shu bilan birga, Yevroittifoq Guaydoni tan olish haqida umumiy bayonot qabul qilolmadi, chunki Italiya va qator boshqa davlatlar ushbu hujjatga ta’qiq qo‘ydi.

Eslatib o‘tamiz, oldinroq Yevropa davlatlari Nikolas Maduro Venesuelada prezidentlik saylovi sanasini belgilamagan taqdirda Guaydoni davlat rahbari sifatida tan olishga va’da bergandi.