Toshkent shahridagi Inha universiteti rektori “O‘zbekiston — Koreya” do‘stlik jamiyati boshqaruv raisi etib saylandi

Toshkent shahridagi Inha universiteti (IUT) rektori Sarvar Boboxo‘jayev “O‘zbekiston — Koreya” do‘stlik jamiyati boshqaruv raisi etib saylandi. Bu haqda o‘quv yurti axborot xizmati xabar bermoqda.

IUT prorektori Turdimurod Tursunmurodov jamiyat boshqaruv raisi muovini etib saylandi. Haejin NewWorld kompaniyasi bosh direktorining muovini Sergey Pak esa jamiyat ijrochi direktori etib saylandi.

Jamiyat rahbarlarining saylashga bag‘ishlangan majlis davomida qatnashchilar O‘zbekiston va Koreya Respublikasi o‘rtasidagi munosabatlarning rivojlanish masalalarini muhokama qildi.

Ma’lumot uchun, “O‘zbekiston — Koreya” do‘stlik jamiyati Toshkentda 1999-yilda tashkil etilgan.