Toshkent Fotosuratlar uyida Xalqaro xotin-qizlar kuniga bag‘ishlab ko‘rgazma ochildi

Toshkent Fotosuratlar uyida Xalqaro xotin-qizlar kuniga bag‘ishlab badiiy fotoko‘rgazma tashkil etildi. Bu haqda O‘zA xabar bermoqda.

Fotoko‘rgazmadagi suratlar asosan O‘zbekiston Badiiy ijodkorlar uyushmasi fotorassomlar sho‘basi hamda O‘zbekiston Milliy axborot agentligi fotomuxbirlari tomonidan yaratilgan ijod namunalaridir.

Ko‘rgazmada Tursun Ali, Abdug‘ani Jumayev, Vladimir Shlosberg, Rustam Shagayev, Muhammad Amin, A’lo Abdullayev, Yolqin Shamsiddinov, Hotamjon Mamadaliyev, Farhod Abdurasulov, Tohir Istatov kabi mohir fotorassomlar bilan birga Nazira Boymurodova, Gayane Avanesyan, Nadejda Rixsiyeva singari fotografiya sohasida izlanayotgan ijodkorlar ishlariga ham keng o‘rin berilgan.