O‘zbekiston delegatsiyasi Nyu-York, Boston va Londonda investorlar bilan uchrashuvlar o‘tkazadi

O‘zbekistonning ilk davlat xalqaro obligatsiyalarini chiqarish va muvaffaqiyatli joylashtirishni ta’minlash 7—14-fevral kunlari Nyu-York, Boston va Londonda investorlar bilan uchrashuvlar — Road show bo‘lib o‘tadi. Bu haqda Moliya vazirligi ma’lum qildi.

Uchrashuvlardan so‘ng, jahon moliya bozorlaridagi sharoitlardan kelib chiqqan holda, mamlakat obligatsiyalarini 5 va/yoki 10 yil muddat bilan chiqarilishi rejalashtirilmoqda.

Road show davomida O‘zbekiston delegatsiyasi yirik investorlar bilan muzokaralar olib borishi kutilmoqda. Bunday uchrashuvlar natijasida respublikaning jahon moliya bozorlariga ilk qadami qo‘yiladi.

Ma’lumot uchun, O‘zbekiston joriy yilda umumiy summasi 500 million dollarga teng bo‘lgan xalqaro obligatsiyalarini chiqarish va joylashtirishni rejalashtirmoqda.