Toshkentda 15 yoshli qiz o‘z uyi podyezdida bo‘g‘ib o‘ldirildi

Toshkentning Yunusobod tumanida 7-fevral kuni kechqurun 15 yoshli maktab o‘quvchisi bo‘g‘ib o‘ldirildi. Bu haqda “Daryo”ga Toshkent shahar IIBB matbuot xizmati xabar berdi.

Qizning jasadi uyga kiraverishda topilgan. Uning o‘limiga bo‘g‘ilish sabab bo‘lgani aniqlangan.

Joriy yilning aprelida qiz 16 yoshga to‘lardi. U 246-maktabda tahsil olardi.

Holat yuzasidan Jinoyat kodeksining 97-moddasi (qasddan odam o‘ldirish) 1-qismi bilan jinoyat ishi qo‘zg‘atilgan.

Qizning o‘limida aybdorlikda gumonlanayotgan shaxs qo‘lga olingan.