Toshkentdagi Autograph san’at galereyasida “Ayol sehri” nomli ko‘rgazma ochildi

2017-yil 6-mart kuni Autograph san’at galereyasida rassom Sanjar Jabborov ayolga bag‘ishlangan o‘zining “Enchantress” – “Ayol sehri” ijod namunalari to‘plamini taqdim etdi. Yozuvchi Salmana Rushdining “Florensiyalik sehrgar” romanidan ilhomlangan rassom ayolning serqirraligi va jozibador sehrini yoritib bergan.

“Ayol sehri” kartinalar to‘plami Sanjar Jabborov ijodida yangi bosqich bo‘lib, suratlarda davr, inson va makon aloqasi aks etadi.

Ko‘rgazmaning ochilish marosimiga diplomatik korpus, xalqaro tashkilotlar, biznes sohasi, OAV, ijod ahli vakillari tashrif buyurdi. Ko‘rgazma Dinara&Co nashriyot uyi tomonidan tashkil etildi.

Ko‘rgazma 7-martdan 20-martgacha davom etadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!