Quvada yuz bergan yong‘in oqibatida uy egasi halok bo‘ldi

7-fevral kuni soat 14:10da Farg‘ona viloyatining Quva tumani Sanoatchilar MFYda yashagan M.Q.ning uyida yong‘in sodir bo‘lgan, deb xabar berdi IIV Jamoatchilik va ommaviy axborot vositalari bilan aloqalar boshqarmasi.

Ko‘rilgan choralar natijasida yong‘in o‘chirilgan. Oqibatda uyining 40 kvadrat metr maydoni yonib zarar ko‘rgan hamda yong‘in o‘chirish vaqtida M.Q.ning kuygan holdagi jasadi topilgan.

Yong‘in kelib chiqish sababi aniqlanmoqda.