APL. “Man Siti” ertaga “Chelsi” bilan jang qiladi, “Man Yunayted”, “Arsenal”, “Liverpul” bugun o‘ynaydi
9-fevral, shanba kuni futbol bo‘yicha Angliya premyer ligasining 26-tur bahslariga start beriladi.
Turning dastlabki uchrashuvida Ole-Gunnar Sulsher qo‘l ostidagi “Manchester Yunayted” klubi mehmonda “Fulhem” jamoasini sinovdan o‘tkazadi. O‘yin Toshkent vaqti bilan soat 17:30 da boshlanadi.
Shu kuni Londonning “Arsenal” klubi safarda “Haddersfild” bilan jang qiladi. Unai Emeri shogirdlari 25-turda Xosep Gvardiola boshliq “Manchester Siti” klubiga 1:3 hisobida mag‘lub bo‘lgandi.
Musobaqa jadvalida hozircha ikkinchi o‘rinda borayotgan Muhammad Saloh yetakchiligidagi “Liverpul” klubi o‘z maydonida “Bornmut” jamoasini sinovdan o‘tkazadi. Uchrashuvlar 20:00 da start oladi.
10-fevral kuni Maurisio Pochettino boshqaruvidagi Londonning boshqa bir klubi “Tottenhem” o‘z uyida “Lester” bilan bahsga kirishadi. To‘qnashuv 18:30 da boshlanishi belgilangan.
Turning markaziy o‘yini “Ittihod” stadionida bo‘lib o‘tadi. Unda musobaqa jadvalini 62 ochko to‘plagan holda boshqarib borayotgan “Manchester Siti” klubi 4-o‘rinda borayotgan “Chelsi” bilan kurash olib boradi.
Sarri boshchiligidagi londonliklar hisobida ayni damda 50 ochko mavjud.
25-turdan so‘ng musobaqa jadvalidagi holat:
APL
26-tur bahslari
9-fevral, shanba
10-fevral, yakshanba
11-yanvar, dushanba
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz