Debyutant “Dinamo”da yuz foizlik natija, “Paxtakor” Farg‘onada ochko yo‘qotdi, Masharipov “Loko”da pochin golini urdi
Futbol bo‘yicha O‘zbekiston Oliy ligasining 2-turidan joy olgan uch bellashuv xotin-qizlar xalqaro bayrami kuni bo‘lib o‘tdi.
Mamlakatning amaldagi chempioni “Lokomotiv” o‘z maydonida “So‘g‘diyona” ustidan 3:0 hisobida zafar quchdi. Jizzax klubi bir tur avval “Bunyodkor” maydonida 70-daqiqadan keyin gol o‘tkazib yuborgandi, bu safar “Lokomotiv” stadionida ham shuncha daqiqa turib bera oldi.
“Lokomotiv”dan tashqari Oliy ligaga qaytgan “Dinamo” ham ketma-ket ikkinchi g‘alabasini qo‘lga kiritdi. Samarqandda “Sho‘rtan”ni qabul qilgan klub 4 yil-u 4 oy oldin o‘zining elitadagi so‘nggi yirik muvaffaqiyatiga erishgandi, deb yozdi “Championat.asia”. “Dinamo” o‘shanda “Andijon” klubini ham 3:0 hisobida mag‘lub etgandi.
Mavsumni “Qizilqum” ustidan qozonilgan g‘alaba bilan boshlagan “Paxtakor” Farg‘onada 2 ochko yo‘qotdi. “Neftchi”ga qarshi o‘yin davomida darvozalar dahlsiz qoldi.
O‘zbekiston Oliy ligasi
2-tur
8-mart, chorshanba
Gollar: Sardor Sulaymonov, 15 (1:0). Akmal Bozorov, 48 (2:0). Abdumalik Abdullayev, 68 (3:0).
Gollar: Marat Bikmayev, 70-pen (1:0). Timur Kapadze, 82 (2:0). Jaloliddin Masharipov, 84 (3:0).