Bahodir Jalolovning navbatdagi jangi muddati aniq bo‘ldi

Professional boksning o‘ta og‘ir vazn (+90,7 kg) toifasida ringga chiqayotgan o‘zbekistonlik Bahodir Jalolov (4 ta jang, 4 ta g‘alab) AQShda o‘zining beshinchi jangini o‘tkazadi. Bu haqda GoSport xabar beradi.

Ma’lumotlarga ko‘ra, Jalolov joriy yilning 15-mart kuni Kaliforniya shtatining Tyustin shahridagi Markoni avtomobillar muzeyi saroyida bo‘lib o‘tadigan boks kechasida ishtirok etadi. Hozircha uning raqibi kim bo‘lishi ma’lum emas. Tez orada bo‘lajak raqib borasida ma’lumot beriladi.

Ma’lumot uchun, Bahodir Jalolov 2018-yildan buyon professional boksda faoliyatini davom ettirmoqda. “Mir boksa“ promouterlik kompaniyasi bilan shartnomaga ega sportchi so‘nggi marta 2018-yilning 8-dekabr kuni Markus Valentinga qarshi ringga chiqib, raqibini birinchi raunddayoq nokautga uchratgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!