Efiopiya harbiy vertolyoti ikki Sudan o‘rtasidagi bahsli hududga quladi. 3 kishi halok bo‘ldi

Efiopiya harbiy vertolyoti Sudan va Janubiy Sudan o‘rtasidagi bahsli hudud bo‘lgan Abyey tumanida halokatga uchradi. Bu haqda “RBK” xabar bermoqda.

Vertolyot bortida 23 kishi bo‘lgani bildirilmoqda. Hodisa oqibatida 3 kishi halok bo‘ldi. 10 kishi jarohatlandi, ulardan 3 nafari og‘ir holatda.

Harbiy vertolyot qulashi sabablari hozircha ma’lum emas.