Britaniyalik reper Cadet avtohalokatda vafot etdi

Asl ismi Bleyn Kemeron Jonson bo‘lgan britaniyalik reper Kil universitetiga konsertga ketayotganida avtohalokatga uchrab, halok bo‘ldi. Bu haqda “Liga Novosti” xabar berdi.

Krept and Konan duetidagi reper Krept xonandaning “yuragida armon” bilan ketganini aytdi.

Cadet’ning “Advice” nomli so‘nggi qo‘shig‘i 2018-yil oktabrda yaratilib, chartlarda 27-o‘rinni egallagan edi.

Staffordshir politsiyasi ham xonandaning o‘limini tasdiqladi.

Politsiyaning aytishicha, Cadet haydagan Toyota Prius yo‘lda Vauxhall Combo furgoniga urilgan.

Cadet voqea joyida halok bo‘lgan.