Oq uy Tramp Markaziy razvedka boshqarmasi hujjatlarining chiqib ketganligidan tashvishda ekanligini ma’lum qildi

AQSh prezidenti Donald Tramp Markaziy razvedka boshqarmasi hujjatlarining chiqib ketganligi haqidagi xabardan juda tashvishlanmoqda. Hujjatlar WikiLeaks saytida chop etilgan. Bu haqda Reuters agentligi ma’lum qildi, deb yozadi “Gazeta.ru”.

Oq uy matbuot-kotibi Shon Spayserning ta’kidlashicha, Tramp ma’muriyati hujjatlarni chiqarib yuborganlarni jiddiy jazolashni rejalashtirmoqda.

“Maxfiy ma’lumotni tarqatib yuborgan har qanday odam qonunning barcha qattiqqo‘lligi bilan jazolanadi. Maxfiy ma‘lumotlarni chiqarib yuboradiganlarni ta’qib etamiz”, — dedi u.

“Daryo”ning Telegram’dagi rasmiy kanali — @toshqindaryo’ga a’zo bo‘ling!