Andijonda 61 yoshli ayolning jasadi o‘z uyi yotoqxonasidan topildi

Joriy yilning 13-fevral kuni soat 08:30 larda Andijon viloyati Marhamat tumanidagi “Konchilar” MFYda yashovchi 61 yoshli T.B.ning o‘z xonadoni yotoqxonasidan bosh qismida kesilgan jarohati bilan jasadi topilgan. Bu haqda “Daryo” manbasi xabar bermoqda.

Andijon viloyat teleradiokompaniyasining “Tezkor xabarlar” dasturida qotillik joyidan bolta topilgani namoyish etildi. Mazkur qotillikni 61 yoshli T.B.ning birga yashagan turmush o‘rtog‘i, Farg‘ona shahar Ahmad Yassaviy ko‘chasidagi xonadonlarning birida ro‘yxatda turuvchi 62 yoshli A.A. sodir etganlikda gumonlanib, ushbu fuqaroni ushlash choralari ko‘rilmoqda.

Hozirda mazkur holat yuzasidan O‘zbekiston Respublikasi JKning tegishli moddasiga asosan jinoyat ishi qo‘zg‘atilib, dastlabki tergov harakatlari olib borilmoqda.