Avstraliyalik juftlik kenguru bolasini o‘lik onasining xaltasidan chiqarib oldi (video)

Avstraliyaning Brisben shahrida yashovchi Mettyu Dryu va uning xotini Monik yaralangan va kasal jonzotlarni kuzatib boradi. Juftlik yo‘l chetida yotgan urg‘ochi kenguruni payqagach, to‘xtadi va nima bo‘lganini aniqlashga qaror qildi, deb yozadi National Geographic.

Kenguru tirik qolgan-qolmaganini, uning xaltasida bolasi bor yoki yo‘qligini tekshirmoqchi bo‘ldik.

Mettyu Dryu

Xalta ichida kenguru bolasini aniqlagan juftlik uni ehtiyotkorlik bilan chiqarib oldi va veterinariya klinikasiga keltirdi.

Qayd etilishicha, yarim yil avval Mettyu va Monik xuddi shunday voqeaga duch kelgan va ular tomonidan saqlab qolingan kenguru bolasi sog‘lom bo‘lib voyaga yetdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!