Toshkentda fuqaroning migratsiya va fuqarolikni rasmiylashtirish bo‘limida unutib qoldirgan barsetkasi qaytarib berildi

Bugun, 15-fevral kuni Sarvar Oripov Chilonzor tumani migratsiya va fuqarolikni rasmiylashtirish bo‘limiga bordi. Uyiga qaytganda esa ko‘p miqdorda puli bo‘lgan barsetkasini qayerdadir unutib qoldirganligini angladi, deb yozadi Toshkent shahar IIBB matbuot xizmati.

U kun davomida borgan joylarini aylanib chiqishga qaror qildi. Biroq shu vaqtda unga Chilonzor tumani migratsiya va fuqarolikni rasmiylashtirish bo‘limidan qo‘ng‘iroq qilib, barsetka bo‘limda qolib ketganligini aytishdi.

Bundan xursand bo‘lgan Sarvar Oripov o‘z videomurojaatida IIBB xodimlariga minnatdorlik bildirdi.