A Seriya. Pyontekning dubli “Milan”ga navbatdagi g‘alabani taqdim qildi (video)
16-fevral, shanba kuni futbol bo‘yicha Italiya chempionatining 24-turi doirasida 2 ta uchrashuv bo‘lib o‘tdi.
Musobaqa jadvalida 4-o‘rinda borayotgan Jennaro Gattuzo boshqaruvidagi “Milan” klubi mehmonda “Atalanta”ni sinovdan o‘tkazdi.
Uchrashuvning 33-daqiqasida Remo Froyler hisobni ochgan bo‘lsa, 45-daqiqaga kelib Kshishtof Pyontek hisobni tenglashtirdi (1:1).
2-bo‘limning 55-daqiqasida Xoqon Chalxano‘g‘lu jamoasini hisobda oldinga olib chiqdi (2:1). Oradan 6 daqiqa o‘tib Kshishtof Pyontek 2-golga mualliflik qilgan Xoqon Chalxano‘g‘lu uzatmasini golga aylantirdi va dublga erishdi (3:1).
Shu tariqa milanliklar safarda “Atalanta” klubi ustidan ishonchli g‘alabani qo‘lga kiritib, 3 ochkoga ega bo‘ldi.
“Parma” esa “Kalyari” maydoniga safar qilib, 1:2 hisobida yutqazib qo‘ydi.
A Seriya
24-tur bahslari
16-fevral, shanba
Gollar: 0:1 — 40 Kuchka, 1:1 — 66 Pavoletti, 2:1 — 85 Pavoletti.
Gollar: 1:0 — 33 Froyler, 1:1 — 45 Pyontek, 1:2 — 55 Kalxano‘g‘lu, 1:3 — 61 Pyontek.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz