Surxondaryodagi YTHda velosipedchi halok bo‘ldi

Surxondaryo viloyatining Sherobod tumanida 16-fevral kuni soat 09.00 larda E.Sh. o‘zining Toyota Corolla rusumli avtomashinasini Oltinvoha mahallasi hududidan o‘tuvchi yo‘lining 1408-km.da haydab ketayotib, yo‘l chetida velosiped haydab ketayotgan Oltinvoha mahallasida yashagan Sh.X.ni urib yuborgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada Sh.X. jarohat olib, voqea joyida vafot etgan.

Holat yuzasidan jinoyat ishi qo‘zg‘atilib, tergov harakatlari olib borilmoqda.