Angela Merkel 8-mart kuni “dizel mojarosi” doirasida so‘roqqa tutildi

Germaniya kansleri Angela Merkel 8-mart, chorshanba kuni Volkswagen kompaniyasi bilan bog‘liq “dizel mojarosi” doirasida so‘roq qilindi. Bu haqda “Korrespondent.net” xabar bermoqda. 

So‘roq chog‘ida Angela Merkel kompaniyadagi firibgarliklar haqida birinchi bor OAV orqali xabardor bo‘lganini bildirdi. Shundan so‘ng kansler mamlakat transport vaziri Aleksandr Dobrindt bilan mojaroni vazirlik tomonidan tekshirishni boshlash to‘g‘risida gaplashadi. 

“Men vazirdan hali oshkor bo‘lmagan masalalarga oydinlik kiritish bo‘yicha barcha harakatlarni amalga oshirishni so‘radim”, — deya ta’kidladi Germaniya kansleri.