Ota-bola Skripallar zaharlangan Solsberidagi cherkovga Rossiya bayrog‘i ilib qo‘yildi

Britaniyada sobiq GRU josusi Sergey Skripal va uning qizi Yuliya zaharlangan Solsberi shahri cherkoviga Rossiya bayrog‘i ilib qo‘yildi. Bu haqda Meduza xabar bermoqda.

Cherkov devorlaridan biridagi qurilish havozalaridan biriga o‘rnatilgan bayroq 17-fevral kuni ertalab payqalgan.

Oradan bir necha soat o‘tib bayroq olib tashlandi. Cherkov bosh ruhoniysi Nikolas Papadopulos yuz bergan voqeani “o‘ta ahmoqona qilmish” deb baholadi.

Ma’lumot uchun, yana ikki haftadan so‘ng Solsberida Skripallar zaharlanganiga bir yil to‘ladi.