Nevill APLning eng yaxshi o‘yinchisi kimligini aytdi

“Manchester Yunayted” sobiq himoyachisi Fil Nevill fransiyalik yarim himoyachi Pol Pogbani Angliya chempionatining eng yaxshi o‘yinchisi deb hisoblamoqda.

“Qizil iblislar” Angliya Kubogi 1/8 finalida “Chelsi”ni 2:0 hisobida mag‘lub etdi. Mazkur uchrashuvda fransiyalik futbolchi gol urishga muvaffaq bo‘ldi.

“Hozirgi jamoa avvalgi “Manchester Yunayted”ga o‘xshamoqda. Sulsher taktik jihatdan ajoyib jamoa shakllantirdi. Bundan tashqari ayni damda men Angliya premyer ligasida Pol Pogbadan yaxshiroq futbolchini ko‘rmayapman”, — deya so‘zini keltirib o‘tadi BBC.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!